Përveçse te Brazilit, Marcelo dhe Neymar do të jenë shokë skuadre edhe te Real Madrid. Këtë e ka bërë të ditur vetëm mbrojtësi i madrilenëve, i cili është shprehur i sigurt për transferimin e Neymar te “Los Blancos”.
“Do të ishte bukur nëse Neymar do të vinte te Real Madrid. Mendoj nse do të ishte perfekt për lojën tonë dhe do të përshtatej menjëherë me ekipin. Po flasim për një lojtar të madh dhe lojtarët e mëdhenj duhet të luajnë te Real Madrid”, ka thënë Marcelo.
Duket se Florentino Perez, presidenti i klubit kampion të Europës, është gati të shpenzojë 400 milionë euro për ish-yllin e Santos, i cili është blerë verën e kaluar nga PSG për 222 milionë euro.
