Mbrojtësi i Marseille, Jordan Amavi, thotë se Neymar gjatë tërë ndeshjes kërkonte probleme dhe në fundi korri atë që kishte mbjellë.
Neymar u dëmtua në ndeshjen e fundit ndaj PSG dhe rrezikon të mungojë deri në dy muaj për shkak të dëmtimit të nyjës së këmbës së djathtë.
Braziliani u dëmtua vetë, pasi shkeli keq në tokë, por sipas mbrojtësit Jordan Amavi, ai e kishte kërkuar vetë këtë.
“Ne luajtëm normal kundër Neymarit. Ai gjatë tërë kohës kërkonte faulle. Unë po ju tregoj se çfarë pashë në fushë. Ai priste deri sa i afroheshim, pastaj mundohej të lirohej nga topi”, tha Amavi për RMC.
“Çfarë priste ai? Personalisht nuk e di, por ai korri atë që kishte mbjellë”, u shpreh në fund Amavi.
Për shkak të këtij dëmtimi Neymar do të mungojë në ndeshjen e kthimit ndaj Real Madridit në Ligën e Kampionëve.
