Ekipi i të rinjve të Interit, arriti të kualifikohet për në fazën e 1/8-ave të Ligës së Kampioneve për të rinjtë, pas fitores së vuajtur që arriti në San Siro, ndaj Spartakut të Moskës. Pjesë e zikaltërve në këtë kualifikim ishte edhe Armand Rada.
19-vjeçari u fut si zëvendësues në minutën e 60-të, në momentin që rezultati ishte 1-2. Në përfundim, minutat e rregullta u mbyllën me shifrat 3-3, për të shkuar më pas drejt penalltive, ku lojtarët e Interit u treguan më të saktë, dhe fituan 3-1 nga pika e bardhë.
