Chelsea nuk po gjen paqe në këtë sezon. Skuadra londineze është gjithmonë qendër e polemikave dhe zërave të merkatos. E ndërsa po flitet gjthmonë e më shumë për largimin e Antonio Contes, së fundi lind çështja “Morata”.
Orët e fundit po bën xhiron e botës një vodeo e postuar nga bashkëshortja e spanjollit, Alice Campello, ku çifit shfaqet duke u dëfryer, teska spanjolli në ngre në krah partneren e tij. Deri në këtë pikë, gjithçka duket normale, por Alvaro Morata nuk është grumbulluar nga trajneri italian me pretendimin se ka një problem serioz në shpinë.
“Nuk mund ta them nëse do të qëndrojë një javë, një muaj apo gjithë sezonin jashtë skuadrës. Jam pak i shqetësuar, shpresojmë ta zgjidhim sa më parë këtë problem,” – pat deklaruar Conte në konferencë për shtyp.
“Vallëzimi” i Moratës me bashkëshorten Alice në fakt ka ngritur dyshime të forta mbi vërtetësinë e dëmtimit. Mos vallë spanjolli ka mbetur jashtë planeve të trajnerit për arsye teknike? Një mister të cilin drejtuesit e Chelsea-t duhet ta zbulojnë para se të nisin ndeshjet më të të rëndësishme për objektivat e sezonit.
