Trajneri i Manchester Unitedit, Jose Mourinho insiston se skuadra e tij nuk do të transferojë sulmues gjatë verës së ardhshme
Jose Mourinho ka vazhduar luftën me mediat, të cilave u ka thënë të mos shkruajnë për ndonjë sulmues të ri, por të merren me diçka tjetër.
Portugezi insiston se ka mjaftueshëm sulmues në skuadër dhe nuk do të transferojë një tjetër të ri gjatë verës.
“Është keq për ju, sepse ju pëlqen të keni për çka të shkruani dhe të spekuloni veçanërisht gjatë verës, por unë nuk dua sulmues, kështu që mos flisni për sulmues që do të vijnë, sepse askush nuk po vjen”, tha fillimisht Mourinho.
“Juan Mata, Lukaku, Rashford, Martial, Alexis… Nuk dua sulmues të ri, dhe për spekulime gjatë verës ju duhet të shkoni në reparte tjera, por jo për sulmues sepse jam i lumtur”.
