Napoli, që kryeson Serinë A me një pikë avantazh ndaj Juventus, do të presë në shtëpi të dielën Spal-in e vendit të shtatëmbëdhjetë. Skuadra e Maurizio Sarri-t do të paraqitet në këtë ndeshjes pas humbjes së pësuar në Europa League kundër Leipzig, por tekniku i “axurrëve” e ka bërë të qartë se vëmendja e tyre do të jetë e përqendruar në kampionat.
Napolitanët janë eliminuar nga Kupa e Italisë dhe Champions League dhe pritet të luftojnë deri në javën e fundit me Juventus për titullin. Gjithashtu, ata nuk kanë një ekip të përshtatshëm për të luftuar në më disa kompeticione njëkohësisht dhe e dinë shumë mirë këtë. Sulmi i papërmbajtshëm i Napoli-t, i bashkuar me një mbrojtje solide, i bën ata më shumë se favoritë në takimin e sotme.
Për më tepër, vendasit kanë fituar 12 nga 15 ndeshjet e fundit të kampionatit që kanë luajtur në shtëpi dhe Spal nuk ka marrë asnjë fitore në 11 nga 12 transfertat e fundit të Serisë A. Gjithashtu, Napoli ka shënuar të paktën dy gola në 12 nga 15 ndeshjet e fundit të kampionatit që ka luajtur në shtëpi dhe ka fituar tetë radhazi në kampionat. Nëse do të fitonin të nëntën, ky do të ishte një rekord i ri për klubin.
