Trajneri i Barcelonës, Ernesto Valverde këmbëngul se klubi nuk ka marrë ndonjë ofertë për kapitenin Andres Iniesta, pavarësisht raporteve në shtypin spanjoll.
33-vjeçari thuhet se është subjekt i interesit të fortë nga skuadrat e Superligës Kineze.
Në theks të veçantë është përmendur skuadra e Tianjin Quanjian, të cilët thuhet se janë gati t’i ofrojnë pagë prej 35 milionëve në sezon.
Por, trajneri spanjoll i Barçës, Valverde, ka hedhur poshtë njoftimet se një ofertë ishte pranuar nga drejtuesit katalunas.
Andres Iniesta (Getty Images)
“Nuk ka pasur asnjë ofertë, nëse do të kishte atëherë do të mund të flisnim për këtë”, ka thënë fillimisht Valverde.
“Unë nuk kam asgjë për të thënë në lidhje me këtë moment”.
“Andres është një lojtar në skuadrën tonë dhe është në një nivel shumë të lartë, kjo është gjithçka që mund të them”, përfundoi trajneri i Barçës.
