Atalanta ka arritur të fitojë në ndeshjen e djeshme të Seria A, ndaj Kievos në shifrat 1-0 dhe futbollisti shqiptar ka bërë një paraqitje shumë të mirë. në një deklaratë për sajtin zyrtar të klubit, ai është shprehur: “Nuk i kemi dhënë asnjë mundësi kundërshtarit që të na ndëshkojë, pasi e kishim përgatitur mirë këtë sfidë”, ka thënë portieri.
Berisha gjithashtu ka falënderuar edhe mbrojtësit e ekipit të tij. “Rivali ynë donte të na ndëshkonte në kundërsulm, por ne nuk e lejuam. Unë u ndjeva i sigurt mes dy portave edhe për shkak se edhe mbrojtësit më kanë ndihmuar shumë, pasi kanë qenë në formë të mirë”, ka mbyllur Berisha.
