Fitore e kënaqshme për Maurizio Pochettino ajo e mbrëmjes së djeshme në Torino me shifrat 2-2 nga Tottenham-i i tij kundër Juventus-it. Rezultati i bën londinezët që të shpresojnë, tani janë “Spurs”-at favoritët për t’u kualifikuar në fazën çerekfinale.
“E dominuam Juventus-in për një pjesë të madhe të ndeshjes”, tha fillimisht tekniku argjentinas për mikrofonat e Mediaset Premium. “Luajtëm lojën tonë, pasi mund të ketë pasur një pozicion jashtë loje të Higuain te goli i parë. Më pas, pas golit të dytë të Higuain, pati një reagim të kënaqshëm nga Tottenham”.
Për Pochettino-n sot janë mbyllur vetëm 90 minutat e para, duhet që të luhet pjesa e mbetur në Wembley. “Diskutimi mbi kualifikimin është i hapur, Juventus-i ka mundësitë që të kualifikohet edhe pse shifrat janë 2-2. Ky kampionat është Champions-i dhe besoj se sot djemtë janë kënaqur”.
Origjina e trajnerit është italiane, mbi të gjitha torinez, i pyetur për të ardhmen e tij në një skuadër të Serie A, ai thotë: “Një ditë përse jo”. Në fund i pyetur se kë zgjedh mes Icardi-t dhe Higuain për në Botëror, argjentinas dribloi: “Me Icardi-n, Higuain dhe Aguero, trajneri ka mundësi të madhe zgjedhjeje”.
