Aleksander Ceferin insiston se as sezoni e ardhshëm nuk do të përfshihet VAR në Ligën e Kampionëve
Disa kampionate evropiane këtë sezon kanë filluar të përdorin VAR (Video Assistant Referee), ndërsa disa të tjera do të fillojnë nga sezoni i ardhshëm.
Por, VAR nuk do të përdoret sezonin e ardhshëm në Ligën e Kampionëve dhe kjo është konfirmuar nga kryetari i UEFA-s, Aleksander Ceferin.
Ai thotë se ende ka konfuzione sa i përket VAR dhe nuk dëshiron të nxitohet.
“Ne nuk do të përdorim VAR sezonin e ardhshëm në Ligën e Kampionëve. Ende ka shumë konfuzione”, tha shkurt Ceferin.
Këtë sezon VAR është duke u përdorur në Serie A, Bundesliga dhe Ligue 1, ndërsa nga sezoni i ardhshëm do të jetë edhe në La Liga dhe Premierligë.
