Mohamed Salah ka qenë një nga lojtarët më të mirë të Premier League këtë sezon por sulmuesi i Liverpool gjithashtu kryeson një listë që do të surprizojë të gjithë.
Egjiptiani ka shënuar 28 gola këtë sezon, katër më shumë se çdo lojtar dhe paraqitja e tij është krahasuar me atë të Lionel Messi-t.
Katër golat ndaj Watford në fundjavë afirmuan se 25-vjeçari është mbreti i ri i Anfield por ai gjithashtu është i mbreti i një kategorie tjetër, asaj të lojtarit që ka humbur më shumë raste të pastra shënimi.
Sipas faqes zyrtare të Premier League, makineria e golave Salah është aktualisht në krye të renditjes së rasteve të pastra të shpërdoruara me 19 mundësi të pashfrytëzuara.
Ky total e vendos atë mbi Benteke (18) dhe Harry Kane (16), në vend të dytë dhe të tretë.
Emra si Sergio Aguero, Romelu Lukaku dhe Alexandre Lacazette gjithashtu janë pjesë e Top 10.
Por tifozëve të Liverpool nuk do t’u interesojë shumë ky fakt pasi ai është talenti më i veçantë në Anfield që nga koha e Luis Suarez.
Egjiptiani ka kontribuar me 36 gola dhe 12 asiste në të gjitha kompeticionet deri tani.
