Komiteti Olimpik Ndërkombëtar (IOC) ka bërë me dije se është duke mbikqyrur gjithçka është duke ndodhur në Federatën Ndërkombëtare të Boksit Amator (AIBA), ku kohët e fundit është zgjedhur në detyrën e presidentit të përkohshëm uzbeku Gafor Rakhimov, i akuzuar se ka lidhje me krimin e organizuar. Kjo Federatë ka një borxh prej 20 milionë dollarësh ndaj dhe ish-drejtuesit dhanë dorëheqjen.
IOC ka bërë me dije se do të monitorjë situatën dhe mund të mos e mbështesë më financiarisht këtë sport, madje mund të merret vendimi drastic që ky spotr të mos jetë pjesë e Lojërave Olimpike “Tokio 2020”. Kjo situatë në sportin e boksit është përkeqësuar edhe më shumë pas akuzave se disa ndeshje të Olimpiadës “rio 2016” janë manipuluar nga gjyqtarët, me vendime absurde.
Drejtuesit e AIBA-s do të paraqesin pranë IOC-it një raport të detajuar të situatës në këtë Federatë deri më 30 prill, ku do të sqarojnë situatën. Në të kundërt do të merret vendimi i përjashtimit i sportit të boksit nga Olimpiada a e ardhshme.