Interi raportohet se ka rënë dakord për të transferuar sulmuesin e talentuar, Lautaro Martinez.
Sipas asaj që shkruan “Sportitalia”, zikaltrit janë pranë marrëveshjes për 23 milionë euro me klubin argjentinas, Racing Club.
Sulmuesi 20-vjeçar është gjithashtu një objektiv i njohur për Atletico Madrid dhe Real Madrid, ndërsa disa javë më parë Roma ishte shumë pranë nënshkrimit.
Drejtori Sportiv i Interit, Piero Ausilio në fundjavë ka qenë në Argjentinë për të negociuar me klubin që zotëron kartonin e lojtarit.
Dritarja e transferimit në Serie A është mbyllur, por Martinez në qershor do të bashkohet me Interin.