Dje u publikua kërkesa e Komisionit të Disiplinës ndaj UEFA-s për dënimin e skuadrës së Skënderbeut për trukime ndeshjes.
Pas kësaj kërkese ka reaguar dhe futbollisti i Skënderbeut, Marko Radas, emri i të cilit ka dalë si njëri prej personave të përfshirë në skandalin e trukimeve.
Në një intervistë të dhënë për “Goal.com”, Radas thotë skuadra do të ishte dënuar më shumë vitin e kaluar, nëse UEFA do të ishte e bindur.
“Ky lajm ka bërë namin në shtyp ditët e fundit. Fakti është që UEFA nuk ka marrë një vendim, por thjesht është bazuar te akuzat e bëra nga Federbet (organizata kundër trukimit të ndeshjeve)”, tha fillimisht Radas.
“Për mua është e pakuptimtë. Për këto ndeshje ne jemi dënuar me një vit përjashtim nga UEFA, nëse do kishin për të na dënuar, atëherë do na dënonim më gjatë që atëherë”, shtoi futbollisti kroat i korçarëve.
“Kurrë s’kam menduar se shokët e skuadrës time mund të kenë manipuluar një ndeshje. S’kam dyshime te asnjë, gjithsesi nuk mund ta vë dorën në zjarr”, përfundoi Radas.