Pas rrëfimit të babait të tij që në një intervistë të ditës së martë kishte dërguar anektoda në lidhje me të birin, duke nisur nga të qenit interist e deri te dy traktorë që Juventusi ia kishte premtuar për të lidhur kontratën mes palëve, Moise Kin i përgjigjet ashpër dhe qartë babait të tij, me anë të një postimi në rrjetet sociale.
“Traktorë? Nuk e kam idenë se për çfarë ai flet. Dhe mbi të gjitha, nëse unë sot jam burri që të gjithë më njohin, jam vetëm falë mamasë sime (prindërit janë të ndarë prej vitesh). Me këtë kam thënë gjithçka. Dhe mbi të gjitha, mos harro kurrë se kush të jep për të ngrënë, pasi ushqimi të të ketë zbritur në bark”, ishte postimi i sulmuesit të Juventusit.