Menaxheri i Paul Pogba, Mino Raiola, ka kontaktuar klubet më të mëdha të Europës në javë e fundit për t’i bindur që ta marrin francezin verën e ardhshme.
Ky lajm është bërë i ditur nga faqja amerikane e internetit “Sport Illustrated.com”. Por, gjithmonë sipas kësaj faqeje, asnjë nga klubet kryesore të Europës nuk e do francezin, i cili po kalon një tjetër sezon zhgënjyes me Mancheter United.
Pogba, që nga momenti i transferimit te “Djajt e Kuq” para dy vitesh, nuk ka qenë lojtari që është parë në radhët e Juventus, me këta të fundit që e shitën për 105 milionë euro francezin, duke e bërë lojtarin më të shtrenjtë të asaj kohe.
