Inter u është kthyer rezultateve të dobëta në Serie A, pasi mbrëmë u mposht 2:0 nga Genoa në udhëtim
Qendërmbrojtësi i Interit, Andrea Ranocchia ka qenë fytyra tragjike në humbjen e mbrëmshme nga Genoa me rezultat 2:0.
Italiani shënoi autogol në fund të pjesë së parë, i pari me fanellën e Interit.
Pas ndeshjes thotë se nuk është keq për të pasi në 186 ndeshje ka vetëm një autogol, ani pse do të preferonte që kjo statistikë të ishte zero.
“Kur duhet të ndodh, ndodh dhe unë nuk mund të bëja shumë. Mendoj se një autogol në 186 ndeshje nuk është aq keq, edhe pse do të preferoja të ishte zero”, tha pas ndeshjes Ranocchia.
Ai foli edhe për ndeshjen, ku e pranoi se goli i dytë ndikoi shumë në paraqitjen e skuadrës së tij, e cila nuk arriti të kthehej.
