Real Madridi është duke menduar të bëjë ofertë për sulmuesin e Bayern Munichut, Robert Lewandowskit në vend të Harry Kaneit të Tottenhamit, sipas gazetës britanike “Independent”.
Reali është i vetëdijshëm se Tottenhami do të këmbëngulë në mos shitjen e Kane, prandaj Lewandowski mund të shihet se objektiv më i arsyeshëm, transmeton Express.
Sulmuesi polak së fundmi e ka ndryshuar agjentin, duke e emëruar Pini Zahavin dhe mund ta shfrytëzojë mbase rastin e fundit për një transferim të madh teksa i mbush 30 vjet në gusht.
