Real Madridi është duke e monitoruar Sergej Milinkovic-Savicin.
Sipas asaj që raporton Marca, Real Madridi është duke bërë gati një ofertë për mesfushorin e Lazios, Sergej Milinkovic-Savic, për të cilin interesohen edhe klube nga Premierliga, transmeton Gazeta Express.
Sipas Marcas, Milinkovic-Savic është lojtari që i duhet më së shumti Madridit, ai është i fortë fizikisht dhe mund ta lidhë mesfushën me sulmin.
Milinkovic-Savic, i cili mbush 23 vjet javën e ardhshme, u ble në vitin 2015 për 18 milionë euro nga KRC Genk.
Presidenti i Lazios, Claudio Lotito, ka thënë në të kaluarën se ka refuzuar ofertë 100 milionë euro për Milinkovic-Savic.
22 vjeçari e ka gjetur rrjetën nëntë herë dhe ka dhuruar gjashtë asiste ne 32 paraqitje këtë sezon me Lazion, që bën gara në Europa League, është në gjysmëfinale të Kupës së Italisë dhe e treta në tabelën e Serie A. /Gazeta Express/
