Një 26 vjeçar shqiptar është ndaluar nga policia italiane në qytetin e Xhenovas në afërsi të stadiumit ‘Luigi Ferraris’ në prag të ndeshjes Sampdoria-Udinese.
Kanë qenë banorët e zonës përrreth që kanë informuar forcat e rendit se një person i armatosur është parë të hyjë në një pallat në afërsi të stadiumit të Xhenovas.
Policia italiane pas disa kontrollesh në territor ka mundur të identifikojnë e të ndalojnë shtetasin shqiptar në një apartament në afërsi të zonës.
26 vjeçarit shqiptar i është sekuestruar dhe një pistoletë.
Aktualisht ndodhet në kazermën e policisë për hetimet e rastit.
26-vjeçari shqiptar ka rrëfyer se ishte i armatosur pas një grindje me një person për motivin e një femre por ka mohuar se kishte pasur si qëllim të kërcënonte apo të rrezikonte jetë njerëzish.
