Juan Bernat, mbrojtësi i Bayern Munich, mund të kthehet në Spanjës. Sipas “Super Deporte”, ish-lojtari i Valencia-s, ka qenë në Madrid, ku ka darkuar në të njëjtin restorant me Diego Simeone.
Sipas mediave spanjolle, kjo tregon se lojtari mund të transferohet tek Atletico Madrid në të ardhmen. 24-vjeçari ka luajtur vetëm katër ndeshje me Bayern në këtë sezon të Bundesliga-s dhe duket se është në kërkim të një ekipi që mund t’i garantojë më shumë hapësira.
