Sulmuesi i Racing Club, Lautaro Martinez, ka paralajmëruar se transferimi i tij në Inter nuk është punë e kryer.
“Ka takime dhe oferta, por kjo është e tëra”, ka thënë ai, raporton FootballItalia, përcjell Express.
Javëve të fundit, dy klubet dhe agjenti i lojtarit kanë thënë se marrëveshja është praktikisht gjë e kryer për 25 milion euro plus përqindje në shitjen e tij në të ardhmen, megjithatë klubet tjera mund t’i prishin punë Interit.
“Transferimi nuk është përmbyllur”, ka thënë Martinez për Pagina12.com.ar.
“Natyrisht, ka takime dhe oferta, por kjo është e gjitha. Jam lojtar i Racing dhe dua ta bëj më të mirën për Racing. Çdo gjë do të jetë e qartë ditën që do të ketë diçka konkrete”, ka shtuar ai.
