Në përfundim të ndeshjes Partizani-Kukësi, ka ndodhur një incident, ku forcat e rendit kanë ndaluar trajnerin e Partizanit Sulejman Starova, që të hyjë në dhomat e zhveshjes. Kjo gjë ka sjellë acarimin e trajnerit që ka filluar të ofendojë forcat e rendit.
Ky moment vjen pas një ndeshje të tensionuar që i pati të gjitha duke filluar nga goli i anuluar dhe deri te kartoni i kuq i Bakajt. Kujtojmë se Sulejman Starova është i pezulluar 8 ndeshje, pasi ofendoi arbitrin e ndeshjes me Flamurtarin.
