Trajneri i Vllaznisë, Ernest Gjoka, është sulmuar me thikë pak minuta më parë në Shkodër.
Ngjarja ka ndodhur pranë fushës sportive “Reshit Rusi”. Tekniku kryeqytetas që drejton Vllazninë ka dhënë dëshminë e tij në komisariat.
Ndërkohë, Gjoka ka treguar ngjarjen për “newsport.al”, ku tha: “Isha me Gilmanin duke dalë nga stërvitja. Na pa Zoti dhe kësaj radhe, nuk e dimë se kush ishte. Aktualisht jam në komisariat, ne e lajmëruam policinë, bashkë me Gilman Likën. Erdhi policia, ai iku. Nuk e di se kush është”.
