Ivan Strinic do të jetë goditja e parë e Milan për sezonin e ardhshëm. Marrëveshja verbale është arritur, firmat janë shumë afër. mbrojtësi kroat i krahut do të kalojë te kuqezinjtë me kosto zero pasi kontrata e tij me Sampdoria-n do të skadojë në qershor. Por kjo marrëveshje e arritur më “Djallin” mund t’i kushtojë vendin në formacion lojtarit në këto muaj.
Siç ka bërë të ditur e përditshmja “Secolo XIX”, Strinic është përjashtuar nga formacioni titullar për ndeshjen e të dielës kundër Milan. Trajneri Giampaolo, në fakt, nuk e shikon të përqendruar dhe gati për të luajtur.
Kështu, Strinic pritet ta ndjekë ndeshjen nga stoli dhe në vendin e tij duhet të aktivizohet Murru, siç ka ndodhur të dielën e kaluar kundër Verona-s dhe siç mund të ndodhë në ndeshjet e ardhshme. Nuk do të jenë muaj të lehtë për Strinic, i cili shpreson të marrë pjesë në Kupën e Botës.