Numri dy i botës në tenis, Rafael Nadal, është tërhequr nga turneu “Mexican Open” pasi i është rikthyer lëndimi, si pasojë e të cilët u detyrua të tërhiqej nga grand slami i parë i vitit “Australian Open” në janar.
Gjashtëmbëdhjetë herë fituesi i grand slameve pritej të përballej sot me bashkëkombësin e vet, Feliciano Lopez, në rrethin e parë të turneut në Acapulco, transmeton Express.
Nadali u tërhoq në setin e pestë të ndeshjes çerekfinale kundër Marin Cilic në Melbourne muajin e kaluar pas një dëmtimi në ije.
“Synimi dhe shpresa ime ishte të luaja në këtë turne”, ka thënë 31-vjeçari.
“Fatkeqësisht, në seancën e fundit stërvitor dje, ndjeva dhimbje të mprehtë në këmbë përsëri”, shtoi spanjolli.