Ka përshëndetur të kaluarën më nj postim në Instagram, kjo është moda e sotme. fjalë të ëmbla, një lamtumirë e pastër, që nuk ka tërhequr pas vetes polemika të kota dhe nuk ka lënë hapësirë për interpretime. Përkundjrazi. Ka qenë një mesazh delikat, që është mbyllur me një datë: “08/06/2017 Unë nuk harroj”. Carpi është gjunjëzuar në Vigorito të Benevento-s dhe Geroge Puscas ka shënuar golin që ka ngjitur ekipin në Serie A. ka qenë minuta e 32-të dhe rumuni, i huazuar nga Inter, ka shkruar historinë me golin e shtatë të sezonit, i treti në 4 ndeshje “playoff”.
“Shtrigat”, pseudonimi i Benvento-s, kanë shkuar në Serinë A dhe bashkë me ta ka shkuar edhe Puscas. Por këtu historia ka ndryshuar: humbje, shumë; hapësira, pak. 11 ndeshje, vetëm një gol, por me peshë, kundër Milan, në ditën kur verdhekuqtë morën pikën e parë në kampionat. Një gol që pothuajse është harruar, duke parë se portieri Brignoli realizoi atë të barazimit 2-2 në fund. Nga ajo ditë feste, në 8 ndeshjet pasuese ka luajtur vetëm 3 nga minuta e parë, 2 herë është aktivizuar nga stoli, 2 të tjera ka qëndruar në stol dhe 1 tjetër nuk është grumbulluar. Arsyeja? Merkato.
Po, sepse Puscas ditën pas ndeshjes me Torino-n është bërë një lojtar i Novara-s. Më 29 janar ka nënshkruar me ekipin piemontez, më 3 shkurt ka realizuar golin e tij të parë në humbjen e pësuar në shtëpi kundër Ascoli-t, që ka sjellë edhe shkarkimin e trajnerit Corini. Ky i fundit është zëvendësuar nga Di Carlo dhe Puscas ka shënuar përsëri. Por këtë herë ka shënuar 3, të gjithë kundër Cittadella-s. 1-3 për Novara-n, 3 pikë të marra në shtëpi bashkë me topin dhe barazimi i rekordit të golave të shënuar në sezonin e rregullt (4, si vitin e kaluar te Benevento). Dhe ai ka fetuar në Instagram, kjo është moda e sotme…
Kartoni i 21-vjeçarit është në pronësi të Inter, që e ka huazuar me të drejtën e blerjes Klubi zikaltër beson shumë tek ai: i marrë në korrikun e 2013-ës nga Liberty Oradea, ka shënuar 27 gola në 38 ndeshje me ekipin e moshave (në sezonin e fundit ka shënuar 16 në 11 ndeshje), duke siguruar edhe debutimin me ekipin e parë në shkurtin e 2015-ës kundër Sassuolo-s. Numra këto që kanë mbetur në mendjen e drejtuesve zikaltër, qershorin e kaluar, pas ngjitjes së Benevento-s në Serinë A, ka refuzuar shumë oferta për të. Shpërthimi i tij është shumë afër. Inter ka besim dhe nuk heq dorë nga “goleadori” i saj. Ku i dihet, një ditë, ai mund të lajmërojë kthimin e tij në rrjetet sociale. Por, sepse kjo është moda sot…
