Barcelona po fiton 2-0 kundër Valencias në Mestalla. Coutinho gjeti golin e parë me fanellën e Barçës.
I transferuari nga Liverpooli për 160 milionë euro në afatin kalimtar të janarit, Philippe Coutinho, ka realizuar golin e parë me fanellën e Barcelonës, shkruan Gazeta Express.
Philippe Coutinho realizoi në minutën e 50’të kundër Valencias në Kupën e Mbretit, pak minuta pasi hyri në lojë, në fillim të pjesës së dytë.
Ky është goli i parë për brazilianin me klubin katalunas dhe shumë i rëndësishëm, pasi tani Valencia duhet të shënojë tre gola nëse dëshiron të arrijë në finale të Copa del Rey, aty ku Sevilla po pret të mësojë kundërshtarin.
