Ka nisur me një minutë heshtje ndeshja mes Vllaznisë dhe Teutës në stadiumin ‘Loro boriçi’ në Shkodër.
Lojtarët e kanë nisur ndeshjen me një minutë heshtje për shkak të aksidentit të rëndë ndodhur mbrëmjen e djeshme në aksin Velipojë-Shkodër, ku mbetën të vdekur 40-vjeçari Edmond Prela dhe dy fëmijët e tij, djali 9 muajsh dhe vajza 5 vjeçare.
Si pasojë e aksidentit kanë mbetur të plagosur edhe vajza e madhe e familjes Preka si dhe nëna e tre fëmijëve të cilët gjenden në spital.
Mjekët kanë bërë me dije se vajza 10-vjeçe është në gjendje të rëndë, dhe mbahet në jetë vetëm me aparatura.