Lionel Messi, Cristiano Ronaldo dhe Neymar janë superyjet e vetme të vërteta në botën e futbollit, sipas legjendës së Brazilit, Pele.
Pele ka thënë se vetëm Neymar ia ka dalë të hip në podiumin e superyjeve Messi dhe Ronaldo në vitet e fundit, transmeton Express.
Messi dhe Ronaldo i kanë fituar 10 Topat e fundit të Artë, nga pesë sëcili, që prej triumfit të Kakas më 2007.
Ndërsa, Neymar ka arritur të zërë vendin e tretë dy herë në tri vitet e fundit, përfshirë edhe në edicionin e fundit.
“Nëse shikon rreth botës, ata që veçohen janë Lionel Messi, Cristiano Ronaldo dhe Neymar. Nuk ka superyje tjera”, ka thënë Pele për FIFA.
