Watford e ka mposhtur 4-1 Chelsean.
Watford e ka turpëruar Chelsean në “Vicarage Road Stadium”, duke i shënuar katër gola “Bluve të Londrës” për fitoren 4-1, tre gola të vendasve erdhën pas minutës së 84’t.
Për vendasit realizuan Troy Deeney 42’, Daryl Janmaat 84’, Gerard Deulofeu 88’ dhe Roberto Pereyra 90’.
Golin e vetëm për Chelsean e realizoi Eden Hazard në minutën e 82’të, që ishte i barazimit, por për shkak se ishin me një lojtar më pak, Tiemoue Bakayoko u ndëshkua me të kuq në pjesën e parë, Chelsea pranoi tre gola nga minuta e 84’ e deri në fund – për të humbur 4-1.
Kjo ishte humbja e gjashtë këtë sezon, që mbetet në pozitën e katërt me 50 pikë të grumbulluara, vetëm një më shumë se Tottenhami dhe pesë më shumë se Arsenali.
