Arda Turan, i cili është parë me gruan e tij Aslihan Dogan është nevrikosur me pyetjet e gazetarit duke e kërcënuar.
Çifti është martuar dy javë më parë dhe një gazetar i është afruar duke pyetur të shoqen: “Si ishte dasma, shkoi siç e kishit imagjinuar?” Por Dogan nuk u përgjigj duke injoruar pyetjen e gazetarit.
Gazetari nuk e priti mirë heshtjen dhe e pyet nëse “Arda e ka ndaluar të flasë?”
Ky ishte momenti kur Turan nevrikoset dhe i kthehet gazetarit duke iu përgjigjur: “Kujdes. Mos fol më se do të të thyej turinjtë.”
Çifti ishte bashkë me vëllain e tij dhe gruan në një restorant kur ndodhi incidenti. Gazetari nuk e zgjati pas reagimit të ashpër të Turan duke u larguar.
