Arsenal ka nisur bisedimet në lidhje me blerjen e mundshme të qendërmbrojtësit të Freiburg, Caglar Soyuncu.
Futbollisti i kombëtares turke ka shpërthyer në këtë sezon dhe konsiderohet si një nga mbrojtësit më premtues në qarkullim, duke tërhequr vëmendjen e të dy klubeve të Manchester, Liverpool, Chelsea dhe Roma gjatë 12 muajve të fundit. Shefi i merkatos së Arsenal, Sven Mislintat ka në planet e tij të bëj një ofertë gjatë verës.
Freiburg do të jetë i detyruar të shesë lojtarin për rreth 40 milionë euro. Në verën e kaluar, klubi gjerman mposhti konkurrencën e Sevilla dhe Besiktas, duke e marrë lojtarin për vetëm 3 milionë euro nga ekipi i kategorisë turke Altinordu. Pavarësisht nga fillimi i vështirë, aktualisht ai konsiderohet një nga mbrojtësit më të mirë në Bundesliga. Soyuncu, 190 cm i gjatë, është shumë i aftë në lojën me këmbë, përveç se në ajër.
Prej kohësh kanë nisur krahasimet mes tij dhe Mats Hummels. Vëzhguesit e Arsenal ishin të pranishëm në ndeshjen miqësore të Turqia fitoi 1-0 ndaj Irlandës, në javën e kaluar, ku Soyuncu luajti ndeshjen e tij të 13-të me kombëtaren. Blerjen e një qendërmbrojtësi është prioritet për Arsenal duke parë se Laurent Koscienly është 32-vjeç, ndërsa Per Mertesacker është pranë tërheqjes nga futbolli.