Gjatë mesit të muajit shkurt, Zinedine Zidane deklaroi se ai mund të largohej nga Real Madridi në fund të sezonit. Francezi shpjegoi se ai emocionalisht e përjetonte shumë punën e tij dhe se ndikim të madh tek ai patën edhe rezultatet e dobëta si edhe kritikat e shumta ndaj personit të tij. Por me kohën që kaloi, erdhën edhe rezultatet pozitive. Kjo ka sjellë edhe ndryshimin e mendimit të francezit. Por cilat janë arsyet e kësaj kthese të madhe?
Opinioni publik
Pavarësisht paraqitjes së dobët në La Liga, tifozët e realit e dinë se nuk ka asnjë skuadër më të mirë që mund t’i mposhtë ata.
Eliminimi i PSG-së nga Champions
Zidane e kaloi pa shumë problem testin kundër PSG-së, mjaft të rëndësishëm sa i përket të ardhmes së tij.
Një humbje
Që prej 17 shkurtit, “Galaktikët” kanë fituar 5 nga 6 takime. Ata dështuan kundër Espanyol (1-0) ndërsa kanë realizuar 20 gola e pësuar vetëm 9. Me derbin që luhet javën e ardhshme, ata janë 4 pikë larg Atletico-s.
Mbështetja nga ekipi
Zidane gjithnjë ka mbajtur marrëdhënie shumë të mira me lojtarët e ekipit. Këtë e kanë treguar mbrojtjet e vazhdueshme që ata i kanë bërë shpesh herë gjatë momenteve kritike.
3 Champions radhazi
Reali shikohet si një ndër skuadrat favorite për në finalen e Kievit. Spanjollët janë në çerekfinalet e Champions League dhe rivali i radhës është Juventusi. Një sukses i tretë radhazi në garën më të rëndësishme të kontinentit për klube do ta fuste francezin në histori.
Lucas Vazquez, e ardhmja…
Trajneri francez e shikon galicianin si një element yç për të ardhmen në vizion e tij për skuadrën. Lojtari e ka fituar besimin e Zidane-s dhe ka qenë vendimtar në shumë takime, edhe pse ai e ka nisur nga stoli. Vazquez pritet të jetë në Rusi 2018, ku do të ndihmojë “La Roja-n” që të fitojë trofeun më të rëndësishëm të planetit.
