Davide Astori, përpara se të kalonte te Roma, ishte një nga objektivat e Igli Tares, si drejtor sportiv i Lacios.
Në atë kohë 28 vjeç, Astori preferoi verdhekuqtë, por dështimi i bisedimeve për blerjen e tij, rriti tensionin në ambientin bardhekaltër.
Fajtori kryesor, sipas tifozërisë laciale, ishte Igli Tare, aq sa në adresë të familjes së tij, në verën e 2014- ës, erdhën edhe një mori kërcënimesh me jetë.
Zemërimi i ultrasve bardhekaltër arriti deri në atë pikë, sa numri personal i Igli Tares u publikua në një banderolë në stadiumin “Olimpico”.
Ky hap do ta detyronte drejtuesin shqiptar që të ndryshonte edhe numrin e telefonit dhe të mendonte për një moment edhe dorëheqjen nga detyra.
Situata tej mase e nxehur bëri që Lacio dhe vetë Tare të realizonin transferimin e Stefan De Vrij, madje me vetë drejtorin sportiv, i cili premtonte ardhjen e holandezit pas konfrontimit me tifozët në Auronco di Kadore, lokaliteti ku skuadra e Lacios zhvillonte fazën përgatitore.
