Në sfidën miqësore kundër Norvegjisë patjetër që në stadium nuk mund të mungonte ish-kapiteni i Kombëtares Lorik Cana. Ai është ndalur për një intervistë të shkurtër në hyrje të stadiumit ku mbi të tjera ka prekur edhe çështjen e talenteve ndërmjet Shqipërisë dhe Kosovës
Do përflitet gjithmonë. Vendimi se për kë do të luash është vendim që duhet të merret në fillim. Përderisa ka 2 kombëtare, nuk do të ketë problem se kë zgjedhin lojtarët, Shqipërinë apo Kosovën. Me rendësi është të përfaqësohen denjësisht, edhe pse ngjyrat kuqezi kanë qenë më të veçanta për simbolin që përfaqëson Shqipëria.
Grupi i Panuçit
Më jep një përshtypje pozitive. Me gjithë presionin që ka, e ka marrë me shumë dëshirë dhe është i angazhuar. Po sjell lojtarë të rinj dhe identitet të ri.
Norvegjia
Mbetet gjithmonë një kundërshtar i mirë, që është edhe ai në ngritje. Për nga cilësia, mund të quhen njësoj si ne.