Manuel Pellegrini, ish-trajner i Real Madrid, ka folur në lidhje me kohën kur drejtonte madrilenët dhe ka zbuluar se disa lojtarë duhet të luanin patjetër pavarësisht nga rrethanat.
Pellegrini, i cili sapo ka marrë drejtimin e West Ham, ka pranuar se diskutimet me drejtuesit e Real kanë patur lidhje me lojtarët që duhej të ishin gjithmonë titullarë.
“Një nga diskutimet më të shpeshta që kam patur me drejtuesit e Real ka qenë për formën e lojtarëve”, ka thënë Pellegrini për “El Mercurio”.
“Më thanë se disa lojtarë duhet të luanin gjithmonë, pavarësisht nga rrethanat. Gjithsesi, unë nuk bëra kurrë kompromise”, ka thënë ish-trajneri i Manchester City.
