Mbrojtësi i Arsenalit, Per Mertesacker, ka shokuar opinionin gjerman pasiqë ka pranuar se është gëzuar kur Gjermania u eleminua nga Italia në gjysmëfinalen e botërorit 2006.
Mertesacker ka pranuar se nuk dëshiron të luajë në ndeshje të mëdha dhe se është ndjerë mirë kur është eleminuar nga Italia në vitin 2006.
“Duhet ta kuptoni se presioni psikologjik vret. Ai presion para ndeshjeve nuk më pëlqen dhe nuk më pëlqen të luaj në ndeshje të tilla. Më dhemb stomaku dhe lotët më dalin vetëvetiu. Më kujtohet botërori i 2006. Atëherë isha 21 vjeç dhe luanim kundër Italisë në gjysmëfinale dhe kur u eleminuam, u lirova”, ka deklaruar Mertesacker.
