Mohamed Salah dhuroi një super paraqitje të shtunën në ndeshjen kundër Watford, duke shënuar 4 gola dhe dhënë një asist në fitoren 5-0 të Liverpool.
Pavarësisht se futbollisti i mbërritur nga skuadra e Romës është shndërruar në golashënuesin e “Premier League” me 28 gola ai gjithmonë ka dëshmuar përulësi, virtyt të cilin e ka dëshmuar edhe dje.
Në përfundim të sfidës, para se të falënderonte shokët e skuadrës, Salah shkoi dhe përqafoi portierin kundërshtar Orestis Karnezis, duke i kërkuar ndjesë këtij të fundit, se i kishte shënuar 4 herë.
Egjiptiani i ka shënuar edhe herë tjetër portierit grek, në gushtin e 2016-ës, kur Roma mposhtte Udinesen me rezultatin 4-0.
