Ish-sulmuesi i Arsenal Sanchez Watt ka marrë kartonin e kuq më të çuditshëm të sezonit asi arbitri keqkuptoi kur ai po thoshte emrin e tij.
Watt, i cili aktualisht luan me Hemel Hempstead, është pyetur të thoshte emrin e tij dhe ai i është përgjigjur arbitrit duke thënë “Watt”, diçka që arbitri e ka keqkuptuar për “What” (Çfarë).
Arbitri i kërkoi emrin në mënyrë që t’i jepte karton të verdhë pasi goditi topin jashtë fushës. Por pasi lojtari i tha emrin e tij disa herë, arbitri ka kujtuar se po tallej dhe ka nxjerrë kartonin e kuq.
Kapiteni i Hemel Hempstead Jordan Pakers shkoi t’i shpjegonte arbitrit se emri i lojtarit ishte Watt, dhe këtë gjë ia kishte thënë tashmë.
Arbitri i turpëruar ktheu vendimin e tij duke i dhënë vetëm kartonin e verdhë lojtarit që në fund qëndroi në fushë.
