Roberto Firmino i ka sjellë buzëqeshjen tifozëve në fushë këtë sezon. Sulmuesi brazilian këtë gjë e ka bërë edhe jashtë stadiumit. 26-vjeçari ka surprizuar një tifoze të “The Reds” në ditën më të veçantë të tij, për ditëlindje. Kerry Anderson po festonte 40-vjetorin e lindjes në një restorant japonez “Teppanyaki” kur braziliani ka ardhur me tortën me qirinj në duar pranë saj. Zonja është habitur kur ka parë futbollistin e Liverpool duke i sjellë tortën dhe e ka falënderuar.
Anderson ka shkrepur edhe disa foto me futbollistin pasi e ka pasur të ftuar të veçantë në ditëlindjen e saj. Tifozja e “Të kuqve” e ka ndarë gëzimin dhe surprizën edhe në rrjetet sociale me miqtë e saj.
Firmino shpreson që t’u sjellë gëzim dhe buzëqeshje ultrasve edhe në ndeshjen e radhës ndaj Watforrd ditën e shtunë në Premier League.
