Idriz Voca është në nga talentet që ka zgjedhur të luajë për përfaqësuesen kosovare. Lojtari i Luzernës është ftuar nga trajneri i ri i Kosovës për miqësoret e marsit.
Në një intervistë pak ditë më parë në mediat zvicerane, ai është munduar të justifikojë se pse ka zgjedhur Kosovën dhe jo Shqipërinë.
“Unë dua të luaj për vendlindjen time. Kjo është çështje zemre. Kjo është një ëndërr që bëhet realitet. Te Kosova kam më shumë mundësi që të bie në sy. Në Zvicër ka shumë lojtarë të rinj të talentuar të cilët janë para meje”.
Voca është ndjekur më parë edhe nga FSHF-ja, por për arsyet që ai përmendi më lart zgjodhi që të përfaqësojë Kosovën.
“Unë thjesht bëra stërvitje me Shqipërinë, asgjë më shumë. Unë nuk jam shqiptar, jam shqiptar i Kosovës. Ndaj për mua zgjedhja ishte e qartë”, tha Voca.
