Katër ndeshje janë luajtur sot në NBA, ku spikat fitorja 109-93 e Houston ndaj San Antonio, ndeshje e dominuar nga skuadra vendase, që tashmë komandon edhe renditjen në Konferencën e Perëndimit.
James Harden ishte shënuesi më i mirë për skuadrën teksane, autor i 28 pikëve, ndërsa për Spurs në këtë sfidë mungoi lojtari lider. Fiton edhe Oklahoma, që mundi 106-101 Sacramento, ndeshje ku u dallua Russell Westbrook, që realizoi një tjetër “triple double”, i 20-ti sezonal.
Ylli i ekipit të Thunder e mbylli ndeshjen me 17 pikë, 10 rebaund e 11 asist, ndërsa Anthony e George realizuan nga 21 pikë secili.
Skuadra e Portland, falë 31 pikëve e 10 asist të Lillard dhe 27 pikë e 16 rebaund të Nurkic mundi 115-99 ekipin e Miami, duke korrur suksesin e 42-të sezonal, ndërsa Milëaukee triumfoi 121-103 ndaj Memphis, falë një loje të mirë kolektive. 7 lojtarë të Milwaukee realizuan mbi 10 pikë, me Middleton që ishte shënuesi më i mirë, me 24 pikë.
REZULTATET E SOTME
Houston – San Antonio, 109-93
Memphis – Milwaukee, 103-121
Oklahoma – Sacramento, 106-101
Portland – Miami, 115-99
