Futboll

Jo vetëm Barça, Iniesta mendon tërheqjen edhe nga Spanja

Andres Iniesta duket se këtë verë nuk do të lërë vetëm Barcelonën, por edhe përfaqësuesen spanjolle.

 Mesfushori 33-vjeçar, që është vënë nën urdhrat e Lopeteguit për ndeshjet miqësore që Spanja do të luajë me Gjermaninë e Argjentinën, e ka pranuar këtë mundësi gjatë një interviste të dhënë për programin “El Larguero”.

“Ka mundësi që Botërori i Rusisë të jetë kompeticioni im i fundit me përfaqësuesen spanjolle. Nuk dua të jem në Kombëtare sa për të thënë, nuk kam nevojë për këtë”, tha Iniesta.

Iniesta, heroi i formacionit “La Roja” në vitin 2010, kur me golin e tij i dhuroi trofeun e parë kombëtares iberike në Botërorin e Afrikës së Jugut, shpreson që ndeshja e tij e fundit më Spanjën të jetë pikërisht një tjetër finale e Kupës së Botës.

“Për Botërorin e Rusisë do të firmosja për një finale mes Spanjës e Argjentinës. Shpresoj që lamtumira ime nga ‘La Roja’ të jetë pas ndeshjes më të ëndërruar nga të gjithë, finalja e turneut. Shpresoj që ajo të jetë ndeshja ime e fundit me fanellën e Spanjës”, shtoi më tej Iniesta.

Related posts

E PABESUESHME NË PREMIER/ Ja momenti kur VAR anulon golin për fajin e arbitrit (VIDEO)

Delo.autor

E pabesueshme/ Shkëndija humbet penalltinë e dytë përballë norvegjezëve (VIDEO)

Isa.Autor

BARAZIMI ME UDINESEN NUK MJAFTON/ Gjithçka ters për Allegrin, Juventus humbet blerjen e re. Ja shkaku…

Delo.autor

Leave a Comment