Lojtarët shqiptarë vazhdojnë të shkëlqejnë në Kroaci, dhe diçka të tillë e kanë bërë edhe në javën e fundit. Në formacionin e përzgjedhur në Kroaci, në një analizë bashkë me “InStat”, pjesë e tij është edhe mbrojtësi i Kombëtares, Ardian Ismajli.
Jo vetëm kaq, por Ismajli është zgjedhur edhe si lojtari më i mirë i javës që lamë pas në ligën kroate. “Hera e pestë në 11-shen ideale, tani edhe hera e parë që zgjidhet më i miri i javës. 13 duele të fituara nga 14, i saktë në të gjitha driblimet që mori përsipër. 8 krosime të pastruara në zonë” – shkruhet në komentin për Ismajlin.
Gjithashtu, pjesë e këtij formacioni të javës është edhe shqiptari Lirim Kastrati i Lokomotivës, i cili luan në ekip bashkë me Myrto Uzunin. Beratasi, edhe pse nuk përfshihet në 11-she, ka një statistikë të veçantë gjatë kësaj jave.
Uzuni krijoi më shumë mundësi të pastra shënimi, se lojtarët e tjerë, plot katër.