Është duke u luajtur në Laç, sfida e vlefshme për javën e 23-të të Kategorisë Superiore mes kurbinasve të Gentian Mezanit dhe Flamurtarit. Të dy skuadrat do të kërkojnë rikthimin te fitorja, për të kapur “trenin” që të çon në Europë. Vlonjatët e Shpëtim Duros, janë futur në një minikrizë, ku në 4 ndeshjet e fundit, kanë vetëm 1 fitore, atë ndal Lushnjës. Po ashtu edhe Laçi, rezulton me të njëjta statistika, vetëm 1 fitore në 4 ndeshjet e fundit, atë ndaj Vllaznisë në shtëpi.
Flamurtari aktualisht mban vendin e 3-të me 36 pikë, ndërsa kurbinasit janë pozicionuar në vendin e 5-të me 3 pikë më pak. Të dy trajnerët kanë bërë publik formacionet, ku vërehen mungesat e portierëve nga të dyja kampet.
LAÇI-FLAMURTAI 2-0
Rexhinaldo 13′, 23′
23′ GOOOOL Laçi. Rexhinaldo tregohet i saktë nga pika e bardhë e penalltisë duke dyfishuar rezultatin.
22′ 11-metërsh në favor të Laçit, pas një faulli në zonë të Pollozhanit ndaj Rexhinaldos. Mbrojtësi kuqezi ndëshkohet me karton të verdhë.
18′ Myrto Uzuni provon të befasojë portierin Sali me një goditje në ecje e sipër nga distanca, por topi ka përfunduar mbi kuadrat.
13′ GOOOOL Laçi. Pas një gabimi në mbrojtje nga Pollozhani, sulmuesi Rexhinaldo ka përfituar dhe i vetëm përballë portierit Sali ka shkundur rrjetën.
10′ Laçi provon me Lushkjan, por topi ndalohet nga mbrojtësit vlonjatë.
3′ Vendasit kërkojnë të rrezikojnë me Rexhinaldon, por largojnë rrezikun mbrojtësit e Flamurtarit.
1′ Ka nisur takimi në Laç, vendasit shkelmojnë topin e parë nga qendra.
Laçi: Vata, Sefgjini, Qaqi, Gjoni, Fangaj, Lushkja, Lulaj, Uzuni, Eskerda, Nika, Rexhinaldo Trajner: Gentian Selmani
Flamurtari: Sali, Siljanovski, Pollozhani, Veliu, Musta, Sidibe, Useini, Hyseni, Danilo Alvesh, Bushiç, Kamara Trajner: Shpëtim Duro
Gjyqtar: Kridens Meta