Lajme të mrekullueshme për Sergio Ramos-in. Mbrojtësi i Real Madridit në fillim hyri në histori sepse ndaj Gjermanisë zhvilloi takimin e 150 me fanellën e kombëtares spanjolle. Kurse ditën e diel kapiteni i “Galaktikve” u bë baba për herë të tretë.
Bashkëshortja e tij, Pilar Rubio, solli në jetë një djalë. Mbrojtësi e dha lajmin në profilin tij në Instagram. “Me emocion dhe lumturi ju prezantojmë Alejandro Ramos Rubio. Ai lindi ditën e diel në 18:24 dhe peshon 3.1 kg.” Fëmijët e tjerë të çiftit janë Sergio Ramos Jr dhe Marco, të lindur në 2014 dhe 2015.
