Chelsea u mund mbrëmë në ndeshjen e kthimit në “Champions League” 3-0 nga Barcelona duke i dhënë lamtumirën kompeticionit më të rëndësishëm europian, por kjo nuk është përjetuar mirë nga tifozët e klubit anglez të cilët në përfundim të sfidës janë bërë protagonist të një incidenti.
Në një video të publikuar shihen punonjësit të cilët godasin me shkopinj gome tifozët e Chelsea-s, që për më shumë mbanin në duar një flamur të Spanjës.
Menjëherë pas ngjarjes, Chelsea reagoi dhe u kërkoi tifozëve që të raportojnë për dëmtimet apo shkeljet që kanë pësuar.
Barcelona është qendra e Katalonjës, krahinë që ka kërkuar pavarësinë nga Spanja. Pak muaj më parë u mbajt një referendum, ku popullsia votoi pro pavarësisë, por tensionet me qeverinë e Madridit janë shtuar edhe më dhe për momentin procesi është bllokuar.