Që Diego Armando Maradona është një person me temperament dhe gjak të nxehtë kjo është diçka që e dimë të gjithë. Demostrimin e fundit e shohim në ndeshjen që skuadra e tij, Fujairah, në Emiratet e Bashkuara Arabe zhvilloi përballë Masafi.
Ishte minuta e 99 e takimit, kur lojtarët e tij arritën të barazonin ndeshjen in extremis, diçka që shkaktoi edhe shpërthimin e trajnerit argjentinas. Lumturinë e madhe, 57-vjeçari e ndau edhe me të pranishmit në stadium teksa përqafon edhe të gjithë nga stafi i tij. Maradona nuk ndryshon kurrë.
