Hector Bellerin i Arsenal ka nisur bisedimet me Juventus për një transferim te bardhezinjtë në merkaton e verës. 22-vjeçari ka pasur probleme gjatë gjithë këtij sezoni dhe nuk ka treguar formën optimale, pasi në verën e kaluar u hodh poshtë mundësia e kalimit te Barcelona.
Ai donte të shkonte në Katalonjë, por trajneri Arsene Wenger vuri veton për ta pasur në ekip. Gjithsesi, situata mund të ndryshojë në verën e ardhshme, pasi kampionët e Italisë e kanë identifikuar spanjollin si njeriu i duhur për të luajtur në të djathtë të mbrojtjes, atje ku do të largohet Litchsteiner.
Gjithashtu, Juventus është gati të përfshijë në marrëveshje edhe ish-portierin e Tottenham, Pau Lopez, sipas asaj që bën të ditur “Tuttosport”. “Zonja e Vjetër” ka ndjekur me kujdes Bellerin, që kur ai u shfaq në arenën ndërkombëtare në vitin 2014.
Verën e kaluar bisedimet ngecën pasi Arsenal kërkoi 40 milionë euro. Ish-lojtari i Akademisë së Barcelonës ka luajtur edhe me Watford, përpara se Wenger ta thërriste në “Emirates Stadium”, ku në sezonin e fundit nuk ka qenë titullar i rregullt.